Fuqaro S.T. 2018-yil 20-may kuni soat 22:00 larda B.R.ga tegishli bo‘lgan Lacetti rusumli avtomashinada yo‘lovchi sifatida Jizzax shahriga kelgan, deb xabar beradi Jizzax viloyati Jinoyat ishlari bo‘yicha Paxtakor tuman sudi axborot xizmati.
S.T. haydovchi B.R. avtomashinaga yoqilg‘i qo‘yish uchun tushib ketganligidan foydalanib, unga sezdirmasdan avtomashina bardachogida turgan 650 000 so‘m pullarni yashirin ravishda o‘g‘irlab, talon-toroj qilgan.
S.T. soat 23:00 larda Jizzax shahri Toshloq mahallasida joylashgan RSHTYOIMning Jizzax filialiga kelib, go‘yoki mazkur shifoxonadan ammasini ko‘rib chiqishini aytib, B.R.ga tegishli bo‘lgan bozor bahosi 5 000 000 so‘mlik Samsung Galaxy S8 plus rusumli telefon apparatidan ammasini topib olish uchun foydalangan kishi bo‘lib, B.R.ga shu yerda kutib turishini aytib, RSHTYOIMning qabul bo‘limiga kirib, orqa eshigidan B.R.ga bildirmasdan chiqib ketib voqea joyidan yashiringan.
S.T.ga O‘zbekiston Respublikasi JKning 168-moddasi (firibgarlik) 1-qismi bilan JKning 57-moddasi qo‘llanilib, eng kam oylik ish haqining o‘n to‘rt baravari miqdorida (172.240x14) ya’ni 2 411 360 so‘m jarima jazosi tayinlandi. Shuningdek, unga 169-moddasi (o‘g‘rilik) 1-qismi bilan eng kam oylik ish haqining o‘n baravari miqdorida (172.240x10) ya’ni 1 722 400 so‘m jarima jazosi tayinlandi.
Izoh (0)