Bizga yaxshi ma’lumki, dunyoning rivojlangan davlatlarida chiqindini qayta ishlash va undan foyda olish odatiy holga aylangan. Bu esa tabiiy muvozanatni saqlashga qo‘shilgan ajoyib hissadir. Ijtimoiy tarmoqlarda keng jamoatchilik muhokamasida bo‘lgan mavzulardan biri Samarqand shahri Kimyogarlar shaharchasi yaqinidagi chiqindixonaning ahvoli va u yerda boqilayotgan cho‘chqalardir.
“Yoshlar” telekanalida shu mavzudagi ko‘rsatuv namoyish etildi.
Samarqand shahrining so‘lim Kimyogarlar shaharchasiga yaqin bu yerlar Samarqand shahrining asosiy chiqindixonasi hisoblanadi. Shahardagi chiqindilar bu yerga olib kelinadi. Hududdagi badbo‘y hid va yonayotgan chiqindilardan taralayotgan tutun odamni behol qilishi turgan gap. Bu yerda esa noqonuniy cho‘chqaxonalar ochilganligi ko‘pchilik ishonmasligi mumkin.
Hududga mas’ullarning aytishicha, bunday cho‘chqaxonalardan 100 ga yaqini bo‘lib, ularda minglab cho‘chqalar boqilmoqda. Har bir cho‘chqaxonada 50-60 bosh cho‘chqa bor.
Voqea haqida batafsil quyidagi videoda bilib olishingiz mumkin.
Izoh (0)