Бизга яхши маълумки, дунёнинг ривожланган давлатларида чиқиндини қайта ишлаш ва ундан фойда олиш одатий ҳолга айланган. Бу эса табиий мувозанатни сақлашга қўшилган ажойиб ҳиссадир. Ижтимоий тармоқларда кенг жамоатчилик муҳокамасида бўлган мавзулардан бири Самарқанд шаҳри Кимёгарлар шаҳарчаси яқинидаги чиқиндихонанинг аҳволи ва у ерда боқилаётган чўчқалардир.
«Ёшлар» телеканалида шу мавзудаги кўрсатув намойиш этилди.
Самарқанд шаҳрининг сўлим Кимёгарлар шаҳарчасига яқин бу ерлар Самарқанд шаҳрининг асосий чиқиндихонаси ҳисобланади. Шаҳардаги чиқиндилар бу ерга олиб келинади. Ҳудуддаги бадбўй ҳид ва ёнаётган чиқиндилардан таралаётган тутун одамни беҳол қилиши турган гап. Бу ерда эса ноқонуний чўчқахоналар очилганлиги кўпчилик ишонмаслиги мумкин.
Ҳудудга масъулларнинг айтишича, бундай чўчқахоналардан 100 га яқини бўлиб, уларда минглаб чўчқалар боқилмоқда. Ҳар бир чўчқахонада 50-60 бош чўчқа бор.
Воқеа ҳақида батафсил қуйидаги видеода билиб олишингиз мумкин.
Изоҳ (0)