Isroil bosh vaziri Binyamin Netanyaxu 24-avgust kuni Vilnyusda Boltiqning uchta mamlakati bosh vazirlari bilan bo‘lib o‘tgan umumiy matbuot anjumanida Yevrokomissiyaning Eronga moliyaviy yordam ajratish haqidagi qarorini xato deb atadi. Bu haqda “RIA Novosti” xabar berdi.
23-avgust kuni Yevropa komissiyasi Eronning barqaror iqtisodiy va ijtimoiy rivojlanishiga ko‘maklashishda loyihalarni moliyalashtirish uchun 18 million yevro miqdorida yordamni ma’qulladi. Bu Eron uchun umumiy hajmi 50 million dollar bo‘lgan loyihalarning keng to‘plamidan birinchi paket hisoblanadi.
Netanyaxuning so‘zlariga ko‘ra, ajratilgan mablag‘lar belgilangan maqsadlarga ishlatilmaydi. Uning fikricha, bu qaror Eronni yadro dasturini amalga oshirishga undaydi, bu esa yadro qurolini yaratishga yo‘l ochadi. Barcha mamlakatlar zo‘ravonlik va terrorchilik faoliyatini to‘xtatish maqsadida Eronga nisbatan sanksiyalarni yangilash uchun birlashishi kerak, deb hisoblaydi Isroil bosh vaziri.
Izoh (0)