Исроил бош вазири Биньямин Нетаньяху 24 август куни Вильнюсда Болтиқнинг учта мамлакати бош вазирлари билан бўлиб ўтган умумий матбуот анжуманида Еврокомиссиянинг Эронга молиявий ёрдам ажратиш ҳақидаги қарорини хато деб атади. Бу ҳақда «РИА Новости» хабар берди.
23 август куни Европа комиссияси Эроннинг барқарор иқтисодий ва ижтимоий ривожланишига кўмаклашишда лойиҳаларни молиялаштириш учун 18 миллион евро миқдорида ёрдамни маъқуллади. Бу Эрон учун умумий ҳажми 50 миллион доллар бўлган лойиҳаларнинг кенг тўпламидан биринчи пакет ҳисобланади.
Нетаньяхунинг сўзларига кўра, ажратилган маблағлар белгиланган мақсадларга ишлатилмайди. Унинг фикрича, бу қарор Эронни ядро дастурини амалга оширишга ундайди, бу эса ядро қуролини яратишга йўл очади. Барча мамлакатлар зўравонлик ва террорчилик фаолиятини тўхтатиш мақсадида Эронга нисбатан санкцияларни янгилаш учун бирлашиши керак, деб ҳисоблайди Исроил бош вазири.
Изоҳ (0)