Тошкент шаҳар Ички ишлар бош бошқармаси пойтахтнинг Бектемир туманидаги турар жойда юз берган йирик ёнғин тафсилотларини ошкор қилди ва ёнғинни ўчириш чоғида ўт ўчирувчиларга сув етмай қолгани ҳақидаги хабарни рад этди, деб ёзади «Podrobno.uz».
«Бектемир туманининг Тошкандий кўчасидаги тўрт қаватли 57-уйдаги ёнғин ҳақидаги хабар Тошкент ИИББ ЁХБга 17:46 да клиб тушди. Кўп қаватли уйнинг чердаки, учта хонадоннинг балкони ва хоналари ёнган. Ёнғин майдони 820 кв метрни ташкил қилган. Биринчи ўт ўчирувчилар отряди воқеа жойига 17:54 да етиб борган», — дейишди муассасада.
Ёнғинни ўчиришга жами 8 та асосий жанговар ўт ўчирувчи отрядлар жалб қилинган, шуларнинг 6 таси ҳар бири 2 ва 4 тонна сув ҳажмига эга махсус ўт ўчириш машиналаридир, шунингдек, 4 та нарвон ва битта алоқа ва ёритиш махсус машинаси.
Ёнғин 19:40 да бартараф этилган. Ёнғинга иккинчи қаватга ўрнатилган кондиционер симларидаги қисқа туташув сабаб бўлгани тахмин қилинмоқда. Версиялардан бирига кўра, учқун уй девори бўйлаб ўсаётган ўсимликнинг қуруқ шохларига тушган ва у орқали чердакнинг ёғоч конструкциясигача етиб борган. Оловга қарши кураш томдан олиб борилгани сабабли, бир нечта хонадон сувга тўлган.
Хонадонлардаги сув тошқини оқибатларини бартараф этиш, уларни қайта тиклаш ва таъмирлаш учун штаб ва ишчи гуруҳ тузилди, унга шаҳар ва туман ҳокимликлари мутахассислари кирди.
«Ёнғинни баратараф қилиш учун сув етмай қолгани ҳақида интернетда тарқатилаётган ахборот ҳақиқатга тўғри келмайди», — дейишди ИИББда.
Изоҳ (0)