Hindiston janubidagi Kerala shtatida ko‘chkilar oqibatida halok bo‘lganlar soni 26 nafarga yetdi. Bu haqda Hindustan Times’ga tayanib, “TASS” xabar bermoqda.
Qurbonlarning eng katta soni Idukki okrugida qayd etilgan. Shuningdek, Malappuram, Vayanad va Kojikode shaharlaridan tabiiy ofat qurbonlari haqida xabarlar kelib tushgan. Ko‘chkilar Kerala shtatida 8-avgust, chorshanba kuni boshlangan va hozirga qadar davom etayotgan jala oqibatda kelib chiqqan. Hozircha 20 kishining jarohat olgani haqida ma’lum qilingan.
Idukki ombori suvining balandligi ko‘tarilishi oqibatida Kerala ma’muriyati 26 yil ichida ilk marta ortiqcha suvni chiqarib tashlash uchun Osiyodagi eng yirik dambani ochib yuborish haqida buyruq berdi. Ob-havo sharoitining keskin o‘zgarishi tufayli Kochin shahridagi aeroport faoliyati vaqtinchalik to‘xtatildi. Sinoptiklarning fikricha, Kerala shtatida yaqin kunlarda jala quyishda davom etadi.
Izoh (0)