Ҳиндистон жанубидаги Керала штатида кўчкилар оқибатида ҳалок бўлганлар сони 26 нафарга етди. Бу ҳақда Hundustan Times’га таяниб, «ТАСС» хабар бермоқда.
Қурбонларнинг энг катта сони Идукки округида қайд этилган. Шунингдек, Малаппурам, Ваянад ва Кожикоде шаҳарларидан табиий офат қурбонлари ҳақида хабарлар келиб тушган. Кўчкилар Керала штатида 8 август, чоршанба куни бошланган ва ҳозирга қадар давом этаётган жала оқибатда келиб чиққан. Ҳозирча 20 кишининг жароҳат олгани ҳақида маълум қилинган.
Идукки омбори сувининг баландлиги кўтарилиши оқибатида Керала маъмурияти 26 йил ичида илк марта ортиқча сувни чиқариб ташлаш учун Осиёдаги энг йирик дамбани очиб юбориш ҳақида буйруқ берди. Об-ҳаво шароитининг кескин ўзгариши туфайли Кочин шаҳридаги аэропорт фаолияти вақтинчалик тўхтатилди. Синоптикларнинг фикрича, Керала штатида яқин кунларда жала қуйишда давом этади.
Изоҳ (0)