Ruminiyaning Suchava uyezdida yengil motorli ikki samolyot havoda to‘qnashib ketdi. Bu haqda “RIA Novosti” xabar bermoqda.
Hodisa 4-avgust, shanba kuni Freteuts Vek shaharchasidagi mashg‘ulot parvozlari vaqtida yuz bergan. Hodisa oqibatida bir uchuvchi halok bo‘lgan.
Favqulodda vaziyatlar bo‘yicha bosh inspektorat ma’lumotlariga ko‘ra, havodagi to‘qnashuvdan so‘ng har ikkala samolyot uchish-qo‘nish yo‘lagidan tashqariga qulagan.
“Ikkala uchuvchi ham qamalib qolgan. Ulardan biri hushsiz edi, keyinroq u halok bo‘lgan, deb tan olindi. Ikkinchi uchuvchi esa samolyot kabinasidan chiqarib olindi va unga shifokorlar birinchi tibbiy yordamni ko‘rsatdi”, — deyiladi inspektorat axborotida.
Ikkinchi uchuvchi vertolyot yordamida Yassi shahridagi tuman kasalxonasiga olib borilgan va davolashga yotqizilgan.
Izoh (0)