Hindistonning Andhra-Pradesh shtatidagi Karnul shahridagi granit konida yuz bergan portlash oqibatida kamida 12 kishi halok bo‘lgan, jarohatlanganlar bor. Bu haqda “RIA Novosti” xabar bermoqda.
Voqea 4-avgust kuni soat 19:15 da (Toshkent vaqti bilan 18:15 da) sodir bo‘lgan. Politsiya taxminiga ko‘ra, konga qotirilgan dinamit shashkalari u yerda Odisha shtatidan kelgan 20 ga yaqin ishchi turgan vaqti portlab ketgan.
Aksariyat qurbonlarning shaxsi hali aniqlanmagan. Ma’lumotlarga ko‘ra, jabrlanuvchilar tanasining 70 foizigacha kuyish jarohatini olgan. Ularning bari Karnul okrugidagi shaharlarda joylashgan kasalxonalarga yotqizilgan.
https://twitter.com/ANI/status/1025428218730303488
Politsiya taxminiga ko‘ra, portlash va undan keyingi yong‘in ishchilar konda ovqat tayyorlagani sabab kelib chiqqan bo‘lishi mumkin.
Izoh (0)