Fransiyaning Électricité de France davlat energetika kompaniyasi jazirama havo sabab mamlakatning eng ko‘hna atom elektr stansiyasi — “Fessenxaym”ning ikki reaktoridan birini o‘chirishga qaror qildi. Bu haqda “RIA Novosti” xabar bermoqda.
Fransiyada kuzatilayotgan jazirama ob-havo sabab, mamlakatning 67 departamentida xavfning olovrang darajasi e’lon qilingan.
Fransiya meteorologiya xizmati ma’lumotlariga ko‘ra, AES joylashgan Yuqori Reyn departamentida 4-avgust, shanba kuni havo harorati +34 darajagacha ko‘tarilgan.
Energetika kompaniyasi saytida joylashtirilgan axborotiga ko‘ra, AESning birinchi reaktori “joriy iqlim sharoiti va Katta Elzas kanaliga issiqlik ajratmalarini chiqarish ruxsatnomasiga amal qilish majburiyati sabab” o‘chirilgan.
Izoh (0)