Tramp Twitter’ni respublikachilarning postlarini ko‘rinmaydigan qilib qo‘yishda aybladi

AQSh prezidenti Donald Tramp Twitter ijtimoiy tarmog‘ini respublikachilar partiyasining mashhur a’zolari tomonidan e’lon qilingan postlarni “soyada qoldirish”da aybladi va bu tahqirlovchi va noqonuniy amaliyotni o‘rganib chiqishga va’da berdi. Bu haqda “RIA Novosti” xabar berdi.

Avvalroq OAVda Twitter xodimlari bir qator foydalanuvchilarning postlarini filtrlar yordamida ko‘rinmaydigan qilib qo‘yayotgani haqida xabarlar tarqalgan. Bunda muallif uning xabari boshqa foydalanuvchilardan yashirib qo‘yilganini bilmaydi.

“Twitter yetakchi respublikachilarga nisbatan “soyali cheklovni” amalga oshirmoqda. Bu yaxshi emas. Biz zudlik bilan bu tahqirlovchi va noqonuniy amaliyotni o‘rganib chiqamiz. Juda ko‘p shikoyat mavjud”, — deb yozgan Tramp.