Gretsiyada o‘rmon yong‘inlari qurbonlari soni 83 kishiga yetdi. Bu haqda “Sputnik Gretsiya” ma’lum qildi, deb yozadi “RIA Novosti”.
Avvalroq 81 kishi halok bo‘lganligi xabar qilingan edi. 187 kishi (164 nafar katta yoshli va 23 nafar bolalar) jarohat olgan.
Tasdiqlanmagan ma’lumotlarga ko‘ra, 100 dan ortiq odam bedarak yo‘qolgan sifatida qayd etilgan.
Gretsiyada mazkur hafta bir nechta yirik o‘rmon yong‘inlari yuz berdi, Attikada favqulodda vaziyat e’lon qilingan.
Mamlakat bosh vaziri Aleksis Sipras mamlakatda uch kunlik motam e’lon qildi. Gretsiya prokuraturasi yong‘in sabablarini aniqlash yuzasidan surishtiruv boshladi. Qutqaruvchilar jamoasi yo‘qolganlarni qidirish ishlarini davom ettirmoqda.
Izoh (0)