Samarqandda yarim tunda mashinada drift qilib, aholi tinchligini buzgan fuqaroga chora ko‘rildi. Bu haqda viloyat IIB JXX YHXB matbuot xizmati xabar qildi.
Qayd etilishicha, 21 yoshli shaxs tungi soat 12:00 bo‘lishiga qaramasdan, fuqarolarning tinchligini buzib, ko‘chada drift qilib, yo‘l bezoriligini sodir etgan. Fuqaroning haydovchilik guvohnomasi ham yo‘qligi aniqlandi.
Maqsad shu internetda “zvezda” bo‘lish edi-da. “Zvezda” mana shu yergacha olib keldi keyin. Boshqa takrorlanmaydi, kechirim so‘rayman. Qilgan ishimdan pushaymonman, degan qoidabuzar haydovchi.
Ushbu holat yuzasidan haydovchiga nisbatan qonuniy chora ko‘rilib, mashina vaqtinchalik saqlash maydonchasiga joylashtirilgan.
Avvalroq Qashqadaryoda drift qilishga urinish oqibatida ikki yigit halok bo‘lgani to‘g‘risida xabar qilingandi. Ikkala fuqaroning ham yoshi 19 da bo‘lgan.
Izoh (0)