Andijon viloyatida to‘y bahonasi bilan yo‘llarda kortej bo‘lib harakatlangan mashina haydovchilari javobgarlikka tortildi. Bu haqda viloyat YHXB axborot xizmati xabar qildi.
Maʼlum bo‘lishicha, joriy yilning 17-avgust kuni Andijon shahar Amir Temur hamda Mashrab ko‘chalarida bir guruh haydovchilar yo‘l harakatiga tahdid solib, guruh-guruh bo‘lib harakatlangan va ushbu holat tasvirlangan videolar ijtimoiy tarmoqlarga tarqatilgan.
“To‘yim kuni shu mashinalar bilan orzu-havas qilib, videoga oldirgandim. Holat ijtimoiy tarmoqlarga tarqalib ketibdi, bu narsa xatoligini bilmasdik. Ichki ishlar xodimlari chaqirib, tushuntirish ishlarini olib borishdi”, degan haydovchilardan biri.
Hozirda barcha qoidabuzar haydovchilar va mashinalar aniqlanib, ularga Maʼmuriy javobgarlik to‘g‘risidagi kodeksning tegishli moddalari bilan bayonnomalar rasmiylashtirilgan va mashinalar jarima maydoniga joylashtirilgan.
Izoh (0)