“Samarkandskiy vestnik” gazetasida jurnalist Anastasiya Pavlenkoning Samarqand viloyati Xishrav qo‘rg‘onidagi qachonlardir aholi hordiq chiqaradigan maskan bo‘lgan So‘lim qishlog‘i bugungi kunda chiqindi poligoniga aylanib qolgani haqidagi maqolasi chop etildi.
Maqola muallifi hudud maishiy chiqindilar bilan to‘lib ketgani, buning natijasida esa qishloqqa yaqinlashgan sayin badbo‘y hid taralishi, chiqindi poligonini cho‘chqalar makon qilganini nadomat bilan tilga oladi.
Mahalliy aholi vakillarining so‘zlariga ko‘ra, hozirda hududdan taralayotgan badbo‘y hid bois issiq ob-havoda ham derazalarini ocha olmaydi. Ertalab soat 4:00 dan cho‘ponlar bu yerga cho‘chqalarini oziqlantirish uchun haydab keladi. Cho‘chqalarning hidi va ovozi hududda yashovchilarning tinchini buzmoqda.
Izoh (0)