Rossiyaning avtomobil ishlab chiqaruvchi “UAZ” kompaniyasi O‘zbekistonga joriy yilda 1000 ta avtomobil yetkazib beradi, deb xabar qiladi Spot.
Bu esa 2017-yilgi ko‘rsatkichga nisbatan qariyb 2,5 barobarga ko‘p, deyiladi xabarda.
Avvalroq, “UAZ” vakili Aleksey Zabolotniy kompaniya O‘zbekiston hududida faqat avtomobil sotishni emas, balki ularni yig‘ishni ham rejalashtirayotganini ma’lum qilgan edi.
“O‘zbekistonda avtomobil biznesi yo‘nalishida yaxshi imkoniyatlar yaratilgan”, — degan edi Zabolotniy.
Uning so‘zlariga ko‘ra, hozirda “O‘zavtosanoat” bilan muzokaralar olib borilmoqda. Biroq, muzokaralar bo‘yicha aniq detallar oshkor qilinmayapti.
Qayd etilishicha, muzokaralar Patriot, Pickup va Profi modellarini yig‘ish bo‘yicha olib borilmoqda.
Izoh (0)