O‘zbekistonda issiqlik, suv ta’minoti va kanalizatsiya obyektlari bilan shug‘ullanadigan yagona tashkilot tuziladi

O‘zbekistonda issiqlik va suv ta’minoti, shuningdek, kanalizatsiya ob’ektlari qurilishi, rekonstruksiyasi va ta’miri bilan shug‘ullanadigan yagona tashkilot tuzilishi mumkin. Bu haqda davlat rahbari qarori loyihasiga tayanib, “Podrobno.uz” xabar berdi.

Yangi struktura “Uzjilkomstroyremtrest” nomini oldi va Uy-joy kommunal xizmat ko‘rsatish vazirligi tizimida ishlaydi. U kommunal xo‘jalik sohalaridagi barcha ob’ektlar qurilishi, rekonstruksiyasi va ta’miri bo‘yicha bosh pudratchi tashkilotga aylanadi.

Vazirlik 2018-yil 1-oktabrga qadar trestning Qoraqalpog‘iston Respublikasi, viloyatlar va Toshkent shahrida mintaqaviy filiallarini ochishi ko‘zda tutilgan. Ular soliqlar va davlat maqsadli jamg‘armalariga majburiy ajratmalar, shuningdek, bojxona to‘lovlaridan ozod qilinadi.