Qirg‘izistonning Issiqko‘l viloyati sudi “Dunyo go‘zali” Saniya Shakirovaning hayotiga zomin bo‘lgan YTHni sodir etganlikda aybdor deb topilgan erkakni hibsdan ozod etdi, deb xabar beradi “Nur.kz”.
Qayd etilishicha, erkak operatsiyadan keyingi muolajalarni olmoqda. Buning ustiga uning uch nafar voyaga yetmagan farzandi bor. U bundan avval jinoiy javobgarlikka tortilmagan. Shu sababli ham erkak uy qamog‘iga mahkum etilgan.
Saniya Shakirovaning onasi sudning ushbu qaroridan norozi bo‘lgan. U aybdorni ozod qilish haqidagi sud qaroridan qizining 40 kunlik ma’rakalaridan so‘ng Bishkekka qaytgach, xabar topgan. Ayolning fikricha, aybdorga javobgarlikdan qochishga yordam berishgan.
“Yigitning jarohatlari uyda muolaja olish darajasida kuchli emas. Avariyadan uch kun o‘tgach, u sudga kelgan. O‘shanda uning ko‘rinishi yaxshi edi. Menimcha, tanish-bilishlarini ishga solmoqda”, — deydi Saniyaning onasi.
Izoh (0)