Venesuelaning sobiq prezidenti Ugo Chaves 2013-yilning martida emas, bir necha oy avval vafot etgan. Bu haqda mamlakatning sobiq bosh prokurori Luis Ortega Diasning so‘zlariga asoslanib, “TASS” xabar bermoqda.
“Men 2012-yilning 28-dekabrida xorijda edim. Menga hozirgi vaqtda Venesuela konstitutsion assambleyasi rahbari D’osdado qo‘ng‘iroq qilib, ‘Chaves o‘ldi, ortga qayt’, dedi”, — deydi Dias.
Siyosatchining vafot etgani haqida 2013-yilning 5-mart kuni rasmiy ravishda ma’lum qilindi.
Ortega Dias o‘z lavozimidan ozod etilgan va mamlakatdan chiqib ketishga majbur bo‘lgan.
Chaves 1999-yilda Venesuela prezidenti lavozimini egallagan. 2011-yilda prezidentda o‘simta aniqlangan. Chaves bir nechta operatsiyani boshdan kechirgan, biroq uning hayotini saqlab qolishining iloji bo‘lmagan.
Izoh (0)