Surxondaryo viloyati rahbariyati qishloq xo‘jalik mahsulotlari yetkazib berish hajmini ko‘paytirishni muhokama qilish maqsadida Yoqutistonga keldi. Bu haqda Yoqutiston axborot agentligi ma’lum qildi.
“Bizning meva va sabzavotlarimiz tabiiy sharoitlarda yetishtiriladi, ular organik hisoblanadi. Mahsulotlarimizni Yoqutiston va butun Sibirga eksport qilishni istaymiz”, — dedi Surxondaryo viloyati hokimining birinchi o‘rinbosari To‘ra Bobolov Yoqutiston bosh vaziri o‘rinbosari Denis Belozerov bilan uchrashuvda.
O‘zbekiston delegatsiyasi 9-iyulga qadar respublikadagi importchi korxonalar va do‘konlar rahbarlari bilan uchrashuvlar o‘tkazishni rejalashtirgan. Shuningdek, milliy diaspora vakillari bilan ham uchrashish belgilangan.
Ma’lumot uchun, Surxondaryo viloyatida yiliga 2,5 million tonnadan ortiq meva-sabzavot mahsulotlari yetishtiriladi.
Izoh (0)