Quddusdagi Xudo qabri ibodatxonasining kirish eshigi ustidagi deraza oldida Narvon turadi. Milodning IV asriga taaluqli ibodatxona xristian dunyosining eng muqaddas joylaridan biri sanaladi. Ibodatxona dunyodagi eng muqaddas joylarda biri sanalgani uchun uning egalik huquqi oltita konfessiyaga tegishli. Shu sababli bit qator kelishmovchiliklar yuzaga keladi. AdMe narvon haqida hikoya qildi.
Ibodatxonaning turli qismlariga katolik, grek, arman, Suriya, efiopiya va kopt cherkovlari egalik qiladi. 1757-yilda ular o‘rtasida kelishuv imzolangan. Unga ko‘ra, ibodatxonada hech narsani oltita konfessiyaning kelishuvisiz o‘zgaritirish mumkin emas. Bu kelishuvga bugun ham amal qilinadi.
Biroq ibodatxonada ta’mirlash ishlarini ham amalga oshirishning imkoni yo‘q, chunki tomonlar ishni tashkil qilish masalasida o‘zaro kelisha olmaydi. Narvon va ibodatxona ichidagi mebellar ham shu jumladan. Hech kim biror mebelni qo‘zg‘atish huquqiga ega emas, aks holda haqiqiy diniy urush boshlanadi.
Taxmin qilinishicha, qandaydir g‘isht teruvchi derazani ta’mirlagan va narvonni o‘sha joyda unutib qoldirgan. Hech kim uning ismini, undan ham muhimrog‘i qaysi konfessiyaga tegishli ekanligini bilmaydi. Shundan buyon oltita tomon narvonga tegmaydi, chunki u hammaga tegishli deb hisoblanadi.
Biroq Narvon ikki marta joyidan qo‘zg‘atilgan. 1981-yilda qandaydir hazilkash uni ko‘chirishga urinib ko‘rgan, biroq shu joyning o‘zida politsiya tomonidan qo‘lga olingan. 1997-yilda noma’lum kishi narvonni olib, ikki haftaga yo‘q bo‘lgan. Bu vaqt ichida urush boshlanishiga bir bahya qolgan. Odamlarni vahima bosib, atrofdagilarga ishonmay qo‘ygan. Noma’lum kishi tezda narvonni joyiga qaytargan. Tomonlar bir necha marta polni supurish maqsadida narvonni qimirlatishga qaror qilgan.
Izoh (0)