Қуддусдаги Худо қабри ибодатхонасининг кириш эшиги устидаги дераза олдида Нарвон туради. Милоднинг IV асрига таалуқли ибодатхона христиан дунёсининг энг муқаддас жойларидан бири саналади. Ибодатхона дунёдаги энг муқаддас жойларда бири саналгани учун унинг эгалик ҳуқуқи олтита конфессияга тегишли. Шу сабабли бит қатор келишмовчиликлар юзага келади. AdMe нарвон ҳақида ҳикоя қилди.
Ибодатхонанинг турли қисмларига католик, грек, арман, Сурия, эфиопия ва копт черковлари эгалик қилади. 1757 йилда улар ўртасида келишув имзоланган. Унга кўра, ибодатхонада ҳеч нарсани олтита конфессиянинг келишувисиз ўзгаритириш мумкин эмас. Бу келишувга бугун ҳам амал қилинади.
Бироқ ибодатхонада таъмирлаш ишларини ҳам амалга оширишнинг имкони йўқ, чунки томонлар ишни ташкил қилиш масаласида ўзаро келиша олмайди. Нарвон ва ибодатхона ичидаги мебеллар ҳам шу жумладан. Ҳеч ким бирор мебелни қўзғатиш ҳуқуқига эга эмас, акс ҳолда ҳақиқий диний уруш бошланади.
Тахмин қилинишича, қандайдир ғишт терувчи деразани таъмирлаган ва нарвонни ўша жойда унутиб қолдирган. Ҳеч ким унинг исмини, ундан ҳам муҳимроғи қайси конфессияга тегишли эканлигини билмайди. Шундан буён олтита томон нарвонга тегмайди, чунки у ҳаммага тегишли деб ҳисобланади.
Бироқ Нарвон икки марта жойидан қўзғатилган. 1981 йилда қандайдир ҳазилкаш уни кўчиришга уриниб кўрган, бироқ шу жойнинг ўзида полиция томонидан қўлга олинган. 1997 йилда номаълум киши нарвонни олиб, икки ҳафтага йўқ бўлган. Бу вақт ичида уруш бошланишига бир баҳя қолган. Одамларни ваҳима босиб, атрофдагиларга ишонмай қўйган. Номаълум киши тезда нарвонни жойига қайтарган. Томонлар бир неча марта полни супуриш мақсадида нарвонни қимирлатишга қарор қилган.
Изоҳ (0)