2-iyul sanasida futbol bo‘yicha Rossiya yashil maydonlarida bo‘lib o‘tayotgan Jahon Chempionati nimchorak final o‘yinlari davom ettirildi.
Kunning dastlabki o‘yinida Braziliya Meksikani mag‘lub etib, chorak finalga yo‘l oldi.
Hozirgina kunning ikkinchi o‘yini “G” guruhida Angliyani ham mag‘lub etib, 100 foizlik natija bilan nimchorak finalga chiqqan Belgiya hamda “H” guruhidan ikkinchi o‘rin bilan pley-off yo‘llanmasini qo‘lga kiritgan Yaponiya terma jamoasi o‘rtasida bo‘lib o‘tdi.
Uchrashuvning birinchi bo‘limida hisob ochilmadi. Ikkinchi bo‘lim esa gollarga boy bo‘ldi.
48-daqiqada Genki Haraguchi hisobni ochdi, oradan 4 daqiqa o‘tib Takashu Inui Yaponiyaning 2:0 hisobida oldinga chiqib olishini ta’minlandi. Ammo yaponlarning xursandchiligi uzoqqa cho‘zilmadi 69-daqiqa Eyji Kavashimaning xatosi sabab, Yan Vertongen osonlik bilan darvozani ishg‘ol qildi. 74-daqiqada esa o‘yinga biroz oldin zaxiradan maydonga tushgan Maruan Fellaini hisobni tenglashtirishga erishdi. O‘yinga qo‘shib berilgan daqiqalarda Yaponiya qarshi hujumni o‘tkazib yubordi. Belgiyani chorak finalga olib chiqqan golga ham zaxiradan maydonga tushgan Nosir Shodli mualliflik qildi.
Shu tariqa dramatik kechgan bahsda Belgiya Yaponiyani 3:2 hisobida mag‘lub etib, ¼ finalga chiqdi. Endi Roberto Martines shogirdlari chorak finalga Braziliya termasi bilan bahs olib boradi.
Jahon Chempionati
1/4 final bellashuvlari
2-iyul, dushanba
Belgiya—Yaponiya 3:2
Gollar: 0:1—48 Haraguchi, 0:2—52 Inui, 1:2—69 Vertongen, 2:2—74 Fellaini, 3:2—90+4 Shodli.Belgiya: Kurtua, Alderveyreld, Kompani, Vertongen, Menye, de Bryuyne, Vitsel, Ferreyra Karrasko (Shodli, 65), Mertens (Fellayni, 65), Azar, Lukaku.
Yaponiya: Kavasima, Sakai, Yosida, Sedzi, Nagatomo, Hasebe, Sibasaki (Yamaguti, 81), Haraguti (Honda, 81), Kagava, Inui, Osako.
Ogohlantirish: Sibasaki (40).
Izoh (0)