Meksikada 1-iyul, yakshanba kuni bo‘lib o‘tgan prezident saylovlarida “Tarixni birgalikda quramiz” so‘l kuchlar koalitsiyasidan nomzod Andres Lopes Obrador ovozlarning rasmiy hisob-kitobi yakunlanishidan ancha oldin de-fakto (amalda) g‘olib chiqdi, deb yozadi “TASS”.
Butun mamlakat hududida ovoz berish uchastkalari yopilganidan keyin ko‘p o‘tmay, uning prezidentlik poygasidagi raqiblari — Rikardo Anayya, Xose Antonio Mid va Xayme Rodriges Kalderon o‘z mag‘lubiyatini tan oldi.
Milliy saylov instituti ma’lumotlariga ko‘ra, 156,6 mingta uchastkadan 1310 tasida ovozlar hisoblab chiqilganidan keyin, Lopes Obrador ovozlarning 46,9 foizini to‘plagan. “Meksika uchun olg‘a” koalitsiyasidan da’vogar Rikardo Anayya esa 26,95 foiz ovoz yig‘di. Uchinchi va to‘rtinchi o‘rinlarni 17,44% va 5,94% natija bilan tegishli ravishda Xose Antonio Mid va Xayme Rodriges Kalderon egalladi.
Izoh (0)