Jahon Chempionatining eng yomon termasi ma’lum bo‘ldi

Kecha, 28-iyun sanasida futbol bo‘yicha Rossiya maydonlarida bo‘lib o‘tayotgan Jahon Chempionati guruh bosqichi o‘yinlariga yakun yasaldi.

Nimchorak finalga yo‘l olgan barcha jamoalar bilan bir qatorda pley-off bosqichiga chiqa olmay uyiga qaytadigan termalarning nomi ham ma’lum bo‘ldi. Unga ko‘ra Saudiya Arabistoni, Misr, Eron, Marokash, Peru, Avstraliya, Nigeriya, Islandiya, Serbiya, Kosta-Rika, Janubiy Koreya, Germaniya, Tunis, Panama, Senegal va Polsha JCh—2018 ni guruh bosqichida yakunladi.

Mundialning eng yomon termasi sifatida birorta ham ochko to‘play olmagan Panama ko‘rsatildi. Panamaliklar o‘z darvozasidan 11 marta gol o‘tkazib yuborgani bilan bunday “e’tirof”ga sazovor bo‘ldi. Misr termasi ham ochko to‘play olmagan bo‘lsada, ular Panamadan ancha kamroq — 6 marta o‘z darvozasidan to‘p olib chiqdi, xolos.

Ma’lumot uchun nimchorak final bahslari ertaga, 30-iyundan boshlanadi.