Xitoy hukumati xorijlik sayyohlarning ko‘nglini olish va turizmni rivojlantirish uchun internet resurslarini filtrlash bo‘yicha “Buyuk fayrvol” loyihasining ba’zi qismlarini qayta ko‘rib chiqishni ko‘zlamoqda. Bu haqda South China Morning Post xabar berdi.
Rejalarga ko‘ra, cheklovni yengillashtirish mamlakatning faqat ba’zi qismlariga, xususan janubdagi Xaynan provinsiyasiga taalluqli bo‘ladi. Xitoy rasmiylarining bu qarori 21-iyunda mahalliy hokimiyat saytida e’lon qilingan edi, biroq bugungi kunda mazkur xabar yo‘qolgan. Bundan tashqari, bir nechta yangilik tarqatuvchi saytlar butun Xitoy bo‘ylab o‘zgarishlar haqida xabar berishda davom etmoqda.
2020-yilda Xaynanga tashrif buyuruvchilar Facebook, YouTube va Twitter kabi bloklangan onlayn xizmatlardan provinsiyaning Xaykou va Sanya shaharlarida joylashgan bir nechta maxsus hududlarda foydalana oladi. Biroq hukumat rejalarida hududlarning aniq manzili haqida ma’lumot yo‘q.
“Buyuk Xitoy fayrvoli“ loyihasi G‘arbning mamlakatdagi ta’sirini cheklash va jamiyatda to‘lqinni yuzaga keltirishi mumkin bo‘lgan ma’lumotlar tarqalishini nazorat qilish doirasida yaratilgan.
Izoh (0)