Хитой ҳукумати хорижлик сайёҳларнинг кўнглини олиш ва туризмни ривожлантириш учун интернет ресурсларини фильтрлаш бўйича «Буюк файрвол» лойиҳасининг баъзи қисмларини қайта кўриб чиқишни кўзламоқда. Бу ҳақда South China Morning Post хабар берди.
Режаларга кўра, чекловни енгиллаштириш мамлакатнинг фақат баъзи қисмларига, хусусан жанубдаги Хайнань провинциясига тааллуқли бўлади. Хитой расмийларининг бу қарори 21 июнда маҳаллий ҳокимият сайтида эълон қилинган эди, бироқ бугунги кунда мазкур хабар йўқолган. Бундан ташқари, бир нечта янгилик тарқатувчи сайтлар бутун Хитой бўйлаб ўзгаришлар ҳақида хабар беришда давом этмоқда.
2020 йилда Хайнанга ташриф буюрувчилар Facebook, YouTube ва Twitter каби блокланган онлайн хизматлардан провинциянинг Хайкоу ва Саньа шаҳарларида жойлашган бир нечта махсус ҳудудларда фойдалана олади. Бироқ ҳукумат режаларида ҳудудларнинг аниқ манзили ҳақида маълумот йўқ.
«Буюк Хитой файрволи« лойиҳаси Ғарбнинг мамлакатдаги таъсирини чеклаш ва жамиятда тўлқинни юзага келтириши мумкин бўлган маълумотлар тарқалишини назорат қилиш доирасида яратилган.
Изоҳ (0)