Singapur KXDR yetakchisi Kim Chen In va AQSh prezidenti Donald Trampning 12-iyundagi uchrashuvini tashkillashtirishga qariyb 12 million dollar sarflagan. Bu haqda “Gazeta.ru” xabar bermoqda.
“Singapur hukumatining xarajatlari taxminan 12 million dollarni tashkil etdi, eng ko‘p pul xavfsizlikka sarflandi”, — deyiladi mamlakat tashqi ishlar vazirligi bayonotida.
Shuningdek, TIV Amerika — Shimoliy Koreya sammitiga mezbonlik qilish orqali Singapur Koreya yarim orolida tinchlik va barqarorlikka erishish bo‘yicha xalqaro harakatlarga hissa qo‘shganini aytdi.
Avvalroq Singapur KXDR — AQSh sammitini yoritgan jurnalistlar tashrifi hisobiga 5,3 million dollar ishlab olgani ma’lum qilingan edi. Shuningdek, media-samaradorlikni baholovchi Meltwater kompaniyasi bo‘lib o‘tgan sammit Singapurga kamida 524 million dollar daromad keltirishini prognoz qilmoqda. Bunday hisob-kitob jahon OAVlarida tilga olinish soni, auditoriya qamrovi, mahalliy mehmonxonalar tarixiy qadamjolarning iqtibos qilinishi kabilarga asoslanadi.
Izoh (0)