Kanadaning odob-axloq bo‘yicha kuzatuv organi mamlakatning bosh vaziri Jastin Tryudoni manfaatlar ziddiyati to‘g‘risidagi qonunni buzgani uchun 100 dollar miqdoridagi jarimaga tortdi, deb xabar beradi “RBK”.
Bosh vazir o‘ziga sovg‘a qilingan quyoshdan himoya qiluvchi ko‘zoynakni taqqаni uchun jarima to‘lashga majbur bo‘lmoqda.
Tryudoning matbuot kotibi Eleanore Katenaro bosh vazir ma’muriy xatolik tufayli ko‘zoynakni deklaratsiya qilmaganini bildirgan. Uning aytishicha, deklaratsiya qog‘ozi noto‘g‘ri to‘ldirilgan bo‘lishi mumkin.
Mahalliy qonunchilikka ko‘ra, bosh vazir qiymati 200 dollardan qimmat bo‘lgan barcha o‘zi olgan sovg‘alar haqida 30 kun ichida ma’lum qilishi va deklaratsiyadan o‘tkazishi kerak.
Tryudo esa o‘zi va rafiqasiga sovg‘a qilingan ikki juft ko‘zoynak haqida ma’lumot bermagan.
Fellow Earthlings brendiga oid ko‘zoynaklarning ulgurji narxi 300 dollardan 500 dollargacha baholanadi.
Izoh (0)