JCh—2018. Janubiy Koreya—Meksika, Germaniya—Shvetsiya, Belgiya—Tunis. Bugungi o‘yinlar anonsi

Bugun 23-iyun sanasida futbol bo‘yicha Rossiya maydonlarida bo‘lib o‘tayotgan Jahon Chempionatining 2-tur o‘yinlari davom ettiriladi.

Kunning dastlabki o‘yini “G” guruhi vakillari bo‘lmish 1-turda Panamani yirik hisobda mag‘lub etgan Belgiya hamda so‘nggi daqiqalarda Angliyaga imkoniyatni boy bergan Tunis terma jamoalari o‘rtasida kechadi. Bellashuv Toshkent vaqti bilan 17:00 da boshlanishi belgilangan.

Shuningdek, bugunning o‘zida “F” guruhining 4 ta jamoasi 2-tur o‘yinida maydonga tushadi.

Jumladan, 1-turda Germaniyani yutib sensatsiya qilgan Meksika, Osiyo qit’asi vakili Janubiy Koreyaga qarshi maydonga tushadi. O‘yin 20:00 da boshlanadi.

Kunning so‘nggi o‘yini tunda, 23:00 da Germaniya hamda Shvetsiya terma jamoalari o‘rtasida bo‘lib o‘tadi.

Barcha uchrashuvlar Futbol-TV telekanali orqali jonli efirda namoyish etiladi.