ЖЧ—2018. Жанубий Корея—Мексика, Германия—Швеция, Бельгия—Тунис. Бугунги ўйинлар анонси

Бугун 23 июнь санасида футбол бўйича Россия майдонларида бўлиб ўтаётган Жаҳон Чемпионатининг 2-тур ўйинлари давом эттирилади.

Куннинг дастлабки ўйини «G» гуруҳи вакиллари бўлмиш 1-турда Панамани йирик ҳисобда мағлуб этган Бельгия ҳамда сўнгги дақиқаларда Англияга имкониятни бой берган Тунис терма жамоалари ўртасида кечади. Беллашув Тошкент вақти билан 17:00 да бошланиши белгиланган.

Шунингдек, бугуннинг ўзида «F» гуруҳининг 4 та жамоаси 2-тур ўйинида майдонга тушади.

Жумладан, 1-турда Германияни ютиб сенсация қилган Мексика, Осиё қитъаси вакили Жанубий Кореяга қарши майдонга тушади. Ўйин 20:00 да бошланади.

Куннинг сўнгги ўйини тунда, 23:00 да Германия ҳамда Швеция терма жамоалари ўртасида бўлиб ўтади.

Барча учрашувлар Futbol-TV телеканали орқали жонли эфирда намойиш этилади.