Bugun, 21-iyun sanasida futbol bo‘yicha Rossiyada bo‘lib o‘tayotgan Jahon Chempionati 2-tur bahslari davom ettirilmoqda. Kun taqvimidan 3 ta o‘yin o‘rin olgandi.
Ulardan biri “C” guruhining ikki jamoasi— Daniya hamda Avstraliya o‘rtasidagi o‘yin 1:1 hisobidagi durang natijasi bilan yakunlandi.
Mazkur guruhning ikkinchi bellashuvi esa Fransiya va Peru terma jamoalari o‘rtasida kechdi. Uchrashuv taqdiri birinchi bo‘limning 34-daqiqasida hal etildi. Olivye Jiruning bergan zarbasidan so‘ng to‘p perulik futbolchiga tegib Kilian Mbappega kelib tushdi. Mbappe esa deyarli bo‘sh qolgan darvozani ishg‘ol etdi.
Shu tariqa 19 yoshli Mbappe Jahon Chempionatlarida gol urgan eng yosh fransiyalik futbolchi bo‘ldi. Bungacha bu natija David Trezegega tegishli edi. U 20 yoshida mundialda gol urishga erishgandi.
2-turdan so‘ng “C” guruhida Fransiya 6 ochko bilan pley-off yo‘llanmasini deyarli hal etdi. Peru esa ikki o‘yinda ham mag‘lub bo‘ldi va musobaqani bilan xayrlashdi. Daniya hisobida 4, Avstraliya hisobida esa 1 ochko mavjud.
Guruh bosqichining so‘nggi, 3-turida Daniya Fransiya bilan, Peru esa Avstraliya bilan kurash olib boradi.
Jahon Chempionati
“C” guruhi, 2-tur bellashuvlari
21-iyun, payshanba
Fransiya—Peru 1:0
Gol: 1:0 — 34 Kilian Mbappe.Fransiya: Lyoris, Varan, Lyuka Ernandes, Pavar, Umtiti, Pogba (Nzonzi, 88), Kante, Matyuidi, Grizmann (Fekir, 80), Jiru, Mbappe (Dembele, 75).
Peru: Galese, Ramos, Trauko, Advinkula, Rodriges (Santamariya, 46), Kueva (Ruidias, 82), Yotun (Farfan, 46), Flores, Akino, Karrilyo, Gerrero.
Ogohlantirishlar: Matyuidi (16), Gerrero (23), Akino (81), Pogba (86).
Izoh (0)