Bugun, 21-iyun sanasida futbol bo‘yicha Rossiyada o‘tayotgan Jahon Chempionati 2-tur bahslari davom ettirilmoqda.
Kunning dastlabki o‘yini o‘tgan turda Peru ustidan g‘alabaga erishgan Daniya hamda Fransiyaga imkoniyatni boy bergan Avstraliya terma jamoalari o‘rtasida kechdi.
Uchrashuvning 7-daqiqasida “Tottenhem” yetakchisi Kristian Eriksen Daniya terma jamoasini hisobda oldinga olib chiqdi. Uning Nikoles Yorgensen bilan ajoyib kombinatsiyasidan so‘ng, to‘p Metyu Rayan darvozasidan joy oldi. 38-daqiqaga kelib o‘yinning ispaniyalik bosh hakami Mateo Laos VAR tizimi yordamida Daniya darvozasiga penalti belgiladi. 11 metrlik jarima to‘pini esa Mile Yedinak Kasper Shmeyxel darvozasiga joylab qo‘ydi.
Uchrashuv so‘nggiga qadar shu hisob o‘zgarmay qoldi.
“C” guruhining 2-o‘yini birozdan so‘ng Fransiya hamda Peru jamoalari o‘rtasida kechadi.
Jahon Chempionati
“C” guruhi, 2-tur bellashuvlari
21-iyun, payshanba
Daniya—Avstraliya 1:1
Gollar: 1:0 — 7 Kristian Eriksen, 1:1 — 38, penalti Mile Yedinak.Daniya: Shmeyxel, Kyayer, Larsen, Dalsgor, Kristensen, Shene, Dileyni, Eriksen, Sisto, Yorgensen (Kornelius, 68), Poulsen (Breytueyt, 59).
Avstraliya: Rayan, Seynsberi, Bexich, Risdon, Milligan, Lekki, Yedinak, Muy, Rogich (Irvayn, 82), Kruz (Arzani, 68), Nebbaut (Yurich, 75).
Ogohlantirishlar: Poulsen (37), Sisto (84).
Izoh (0)