Hozirgina Rossiyadagi Jahon Chempionatining “B” guruhidan o‘rin olgan Portugaliya hamda Ispaniya terma jamoalari o‘rtasidagi 1-tur uchrashuvi o‘z yakuniga yetdi.
Uchrashuvda hisob 4-daqiqadayoq ochildi. Krishtianu Ronaldu o‘z ishlagan penaltini golga aylantirdi. Oradan 20 daqiqa o‘tib, Diyego Kosta hisobni tenglashtirdi. 44-daqiqaga kelib Ronaldu Portugaliyani yana bir bor hisobda oldinga olib chiqdi. Birinchi bo‘lim 2:1 hisobida yakunlandi.
Ikkinchi bo‘limning 55-daqiqasiga kelib Diyego Kosta katta sahnaga chiqib, hisobni tenglashtirdi. Oradan 3 daqiqa o‘tib Nacho chiroyli gol urishga erishdi. Ammo o‘yinga yakuniy nuqtani qo‘yish Ronalduga nasib etdi. Krishti o‘z ishlagan jarima zarbasini golga aylantirib, xet-trikka erishdi.
O‘yin jangovar 3:3 hisobidagi durang natijasi bilan yakunlandi. Mazkur natija sabab 1-tur o‘yinida Marokashni mag‘lub etishga erishgan Eron “B” guruhi peshqadamiga aylanib oldi.
Jahon Chempionati
“B” guruhi, 1-tur bellashuvi
15-iyun, juma
Portugaliya—Ispaniya 3:3
Gollar: 1:0 – 4, penalti Ronaldu, 1:1 – 24 Diyego Kosta, 2:1 – 44 Ronaldu, 2:2 – 55 Diyego Kosta, 2:3 – 58 Nacho, 3:3 – 88 Ronaldu.Portugaliya: Ruy Patrisiu, Pepe, Gerreyru, Soaresh, Fonte, Vilyam Karvalyu, Moutinyu, Gonsalu Gedesh (Andre Silva, 80), Bernardu Silva (Kuarejma, 69), Brunu Fernandesh (Joau Mariu, 68), Ronaldu.
Ispaniya: De Xea, Pike, Alba, Nacho, Ramos, Buskets, Koke, Isko, Silva (Vaskes, 86), Inesta (Alkantara, 70), Diyego Kosta (Aspas, 77).
Ogohlantirishlar: Buskets (17), Brunu Fernandesh (28).
Izoh (0)