Ҳозиргина Россиядаги Жаҳон Чемпионатининг «B» гуруҳидан ўрин олган Португалия ҳамда Испания терма жамоалари ўртасидаги 1-тур учрашуви ўз якунига етди.
Учрашувда ҳисоб 4-дақиқадаёқ очилди. Криштиану Роналду ўз ишлаган пенальтини голга айлантирди. Орадан 20 дақиқа ўтиб, Диего Коста ҳисобни тенглаштирди. 44-дақиқага келиб Роналду Португалияни яна бир бор ҳисобда олдинга олиб чиқди. Биринчи бўлим 2:1 ҳисобида якунланди.
Иккинчи бўлимнинг 55-дақиқасига келиб Диего Коста катта саҳнага чиқиб, ҳисобни тенглаштирди. Орадан 3 дақиқа ўтиб Начо чиройли гол уришга эришди. Аммо ўйинга якуний нуқтани қўйиш Роналдуга насиб этди. Кришти ўз ишлаган жарима зарбасини голга айлантириб, хет-трикка эришди.
Ўйин жанговар 3:3 ҳисобидаги дуранг натижаси билан якунланди. Мазкур натижа сабаб 1-тур ўйинида Марокашни мағлуб этишга эришган Эрон «B» гуруҳи пешқадамига айланиб олди.
Жаҳон Чемпионати
«B» гуруҳи, 1-тур беллашуви
15 июнь, жума
Португалия—Испания 3:3
Голлар: 1:0 – 4, пенальти Роналду, 1:1 – 24 Диего Коста, 2:1 – 44 Роналду, 2:2 – 55 Диего Коста, 2:3 – 58 Начо, 3:3 – 88 Роналду.Португалия: Руй Патрисиу, Пепе, Геррейру, Соареш, Фонте, Вилям Карвалю, Моутиню, Гонсалу Гедеш (Андре Силва, 80), Бернарду Силва (Куарежма, 69), Бруну Фернандеш (Жоау Мариу, 68), Роналду.
Испания: Де Хеа, Пике, Альба, Начо, Рамос, Бускетс, Коке, Иско, Сильва (Васкес, 86), Иньеста (Aлькантара, 70), Диего Коста (Аспас, 77).
Огоҳлантиришлар: Бускетс (17), Бруну Фернандеш (28).
Изоҳ (0)