Tashkent City qurilishi rejalashtirilgan hududda joylashgan “Ezidyor” va Shayxontohur ko‘chasidagi “Mumtoz” tantanalar zali buzilishi haqida avval xabar berilgandi. Buzilgan mulki evaziga tadbirkorlarga qayerdan joy berilishi ma’lum bo‘ldi, deb xabar beradi O‘zA.
Toshkent shahar hokimiyati vakilining ma’lum qilishicha, “Ezidyor” to‘yxonasi egasiga “Versal” to‘yxonasi beriladi.
Shuningdek, “Mumtoz” to‘yxonasi rahbariyatiga mulklarining buzilishi tufayli Toshkent shahar hokimiyati balansida bo‘lgan “Sayohat” restorani beriladi.
“Maqsadimiz, mulklari buzilish hududlarida bo‘lgan tadbirkorlarni rozi qilish, ularga ma’qul bo‘lgan yerdan joy berishdir”, — deydi Toshkent shahar hokimligi vakili.
Izoh (0)