Shayxontohur tumani hokimi Bahodir G‘oibnazarov Toshkentdagi buzilishi kutilayotgan ayrim yirik obyektlar, xususan, xalq orasida muhokamalarga ko‘p bora sabab bo‘lgan “Mumtoz” to‘yxonasining taqdiri to‘g‘risida ma’lumot berdi, deb xabar qiladi O‘zA.
Tuman hokimining xabar berishicha, “Mumtoz” to‘yxonasi buzilishi rejada bor. Ammo bu yaqin yillarda amalga oshmaydi, 3—4 yildan so‘ng to‘yxona joyi tekislanishi lozim. Belgilangan dastur rejasiga ko‘ra, ana shu tantanalar maskani joylashgan manzildan ayni damda qurilish ishlari olib borilayotgan “Suzuk ota” maqbarasi ko‘rinib turishi lozim.
Eslatib o‘tamiz, yaqinda “Mumtoz” to‘yxonasida Shayxontohur tumani bo‘yicha xotin-qizlar o‘rtasida o‘tkazilgan Qur’on musobaqasining tuman-shahar saralash bosqichi ham bo‘lib o‘tgandi.
Izoh (0)