Ramazon oyida yeyish-ichish borasida qilinadigan xatolar

“Islom.uz” portalida ro‘za vaqtida ovqatlanish borasida yo‘l qo‘yiladigan xatolar haqida maqola e’lon qilindi.

1. Har kuni shakar, bo‘yoq moddasi solingan ichimliklarni ichish.

Bu ichimliklarni haftasiga ikki martadan ortiq ichmaslikka harakat qilish kerak.

2. Suvni katta hajmda iste’mol qilish.

Sababi, oshqozonni suv bilan to‘ldirish, uni oziq-ovqatdan ham ko‘proq kuchantiradi.

Suvni iftor vaqtida bir necha qultum ichib, so‘ngra, har soatda bir stakandan ichib turish tavsiya qilinadi.

3. Iftordan so‘ng jismoniy mashqlarni qilib turish.

Sababi, organizmdagi qon aylanish tizimi, oshqozon atrofida to‘planadi.

Oshqozon hazm tizimini yengillashtirish uchun, jismoniy mashqlarni, iftordan ikki soat o‘tgandan keyin bajarish tavsiya qilinadi.

4. Oziq-ovqatni tez chaynab, yutish.

Sababi, oziq-ovqatni sekin chaynash, hazm tizimining ishini tezlashtiradi va tana vaznini ushlab turishga sabab bo‘ladi.

5. Shirinlikni yoki shakar solingan taomlarni iftor qilib, darrov tanovul qilish.

Sababi, bu sizni bo‘shashtiradi va tez uyqingizni keltiradi.

Kechki namozlar va taroveh namozida tetik bo‘lish uchun, iftordan so‘ng ikki soatlik tanaffusdan keyin iste’mol qilish tavsiya qilinadi.

6. Natriy moddasi mavjud bo‘lgan taomlarni ko‘p iste’mol qilish.

Sababi, natriy moddasi, insonning ro‘za vaqtida kuchli chanqashiga sabab bo‘ladi.

Buning o‘rniga kaliy moddasi ko‘p bo‘lgan taomlarni iste’mol qilish tavsiya qilinadi. Kaliy moddasi organizmda suvni ushlab turadi va chanqoqni bosadi. Bananning tarkibida kaliy moddasi ko‘p bo‘lib, uning saharlikka iste’mol qilinishi, kun davomida chanqoqni me’yorida ushlab turishga sabab bo‘ladi. Saharlik uchun tarkibida eng ko‘p bo‘lgan kaliy manbalari:

• xurmo
• avokado
• quritilgan shaftoli
• xandon pista
• qovoq
• no‘xat
• qora shokolad.

Saharlik uchun eng yomon tanlov:

• biryani (guruch, dorivor, go‘sht, baliq, tuxum va sabzavotlar yig‘indisidan iborat taom)
• kaboblar
• pitssa
• fast-fudning har qanday ko‘rinishi
• pishloq
• sut solingan choy.

Saharlik uchun eng yaxshi tanlov:

• kartoshka
• guruch
• xurmo
• bug‘doy unidan tayyorlangan non
• banan
• kichik stakanda kardamonli arab choyi (imbirning bir turi).

Saharlik vaqtida suvning ko‘p iste’mol qilinishi juda muhim, biroq iftordan saharlikkacha bo‘lgan vaqtda uni ichish muhimroq.  Suvni iftordan bir necha daqiqa o‘tganidan keyin, bir stakandan har soatda ichib turish kerak.