Рамазон ойида ейиш-ичиш борасида қилинадиган хатолар

«Islom.uz» порталида рўза вақтида овқатланиш борасида йўл қўйиладиган хатолар ҳақида мақола эълон қилинди.

1. Ҳар куни шакар, бўёқ моддаси солинган ичимликларни ичиш.

Бу ичимликларни ҳафтасига икки мартадан ортиқ ичмасликка ҳаракат қилиш керак.

2. Сувни катта ҳажмда истеъмол қилиш.

Сабаби, ошқозонни сув билан тўлдириш, уни озиқ-овқатдан ҳам кўпроқ кучантиради.

Сувни ифтор вақтида бир неча қултум ичиб, сўнгра, ҳар соатда бир стакандан ичиб туриш тавсия қилинади.

3. Ифтордан сўнг жисмоний машқларни қилиб туриш.

Сабаби, организмдаги қон айланиш тизими, ошқозон атрофида тўпланади.

Ошқозон ҳазм тизимини енгиллаштириш учун, жисмоний машқларни, ифтордан икки соат ўтгандан кейин бажариш тавсия қилинади.

4. Озиқ-овқатни тез чайнаб, ютиш.

Сабаби, озиқ-овқатни секин чайнаш, ҳазм тизимининг ишини тезлаштиради ва тана вазнини ушлаб туришга сабаб бўлади.

5. Ширинликни ёки шакар солинган таомларни ифтор қилиб, дарров тановул қилиш.

Сабаби, бу сизни бўшаштиради ва тез уйқингизни келтиради.

Кечки намозлар ва таровеҳ намозида тетик бўлиш учун, ифтордан сўнг икки соатлик танаффусдан кейин истеъмол қилиш тавсия қилинади.

6. Натрий моддаси мавжуд бўлган таомларни кўп истеъмол қилиш.

Сабаби, натрий моддаси, инсоннинг рўза вақтида кучли чанқашига сабаб бўлади.

Бунинг ўрнига калий моддаси кўп бўлган таомларни истеъмол қилиш тавсия қилинади. Калий моддаси организмда сувни ушлаб туради ва чанқоқни босади. Бананнинг таркибида калий моддаси кўп бўлиб, унинг саҳарликка истеъмол қилиниши, кун давомида чанқоқни меъёрида ушлаб туришга сабаб бўлади. Саҳарлик учун таркибида энг кўп бўлган калий манбалари:

• хурмо
• авокадо
• қуритилган шафтоли
• хандон писта
• қовоқ
• нўхат
• қора шоколад.

Саҳарлик учун энг ёмон танлов:

• биряни (гуруч, доривор, гўшт, балиқ, тухум ва сабзавотлар йиғиндисидан иборат таом)
• кабоблар
• пицца
• фаст-фуднинг ҳар қандай кўриниши
• пишлоқ
• сут солинган чой.

Саҳарлик учун энг яхши танлов:

• картошка
• гуруч
• хурмо
• буғдой унидан тайёрланган нон
• банан
• кичик стаканда кардамонли араб чойи (имбирнинг бир тури).

Саҳарлик вақтида сувнинг кўп истеъмол қилиниши жуда муҳим, бироқ ифтордан саҳарликкача бўлган вақтда уни ичиш муҳимроқ.  Сувни ифтордан бир неча дақиқа ўтганидан кейин, бир стакандан ҳар соатда ичиб туриш керак.