Xalqaro bolalarni himoya qilish kuni munosabati bilan Xo‘jayli tumanidagi “Mehribonlik uyi”ga Qoraqalpog‘iston Respublikasi Jo‘qorg‘i Kengesi tomonidan Isuzu avtobusi topshirildi. Bu haqda O‘zA muxbiri Yesimxan Qanoatov xabar berdi.
— Bolalar bayramiga bag‘ishlanib respublika miqyosida “Har bir bolaga mehr, e’tibor” shiori ostida o‘tkazilgan tadbirlar doirasida avtobusning berilishi bolajonlar uchun haqiqiy bayram sovg‘asi bo‘ldi, — deydi Qoraqalpog‘iston Respublikasi xalq ta’limi vaziri Amanjol Ayapov. — Jo‘qorg‘i Kenges tomonidan berilgan 275 million so‘mlik Isuzu avtobusi tarbiyalanuvchilarini turli sayohatlarga olib borishda qo‘l keladi.
Qoraqalpog‘iston Xalq ta’limi vazirligi va “Ekosan” tashkiloti tomonidan mehribonlik uyi tarbiyalanuvchilariga kiyim-kechaklardan iborat sovg‘alar taqdim etildi.
Ma’lumot uchun, Mehribonlik uyida 145 nafar bola tarbiyalanmoqda. 16 to‘garaklar tarbiyalanuvchilar ixtiyorida.
Izoh (0)