O‘zbekistonda Qur’oni karim va tajvid bo‘yicha o‘quv kurslariga hujjatlar qabul qilish boshlandi

Prezidentning “Diniy-ma’rifiy soha faoliyatini tubdan takomillashtirish chora-tadbirlari to‘g‘risida”gi farmonida belgilangan vazifalar ijrosini ta’minlash maqsadida O‘zbekiston musulmonlari idorasi tasarrufidagi diniy ta’lim muassasalari hamda ilmiy maktablarda joriy yil 10-iyunidan boshlab Qur’oni karim va tajvid bo‘yicha pullik o‘quv kurslari o‘z faoliyatini boshlaydi. Bu haqda idora matbuot xizmati ma’lum qildi.

1-iyun kuni O‘zbekiston musulmonlari idorasi tasarrufidagi barcha diniy ta’lim muassasalari hamda ilmiy maktablarda kurslarda bilim olish istagini bildirganlarning hujjatlarini qabul qilish boshlandi.

O‘quv kurslariga 2018-yilning 1—3-iyun kunlari soat 09:00 dan 17:00 gacha hujjatlar qabul qilinadi.