Bugun, 2-iyun kuni Milliy olimpiya qo‘mitasida O‘zbekiston basketbol federatsiyasining navbatdan tashqari hisobot-saylov konferentsiyasi bo‘lib o‘tdi. Bu haqda qo‘mita matbuot xizmati xabar berdi.
Bugunga qadar O‘zbekiston basketbol federatsiyasi prezidenti sifatida faoliyat olib borgan Zohid Dusanovning sog‘lig‘i yomonlashgani sababli o‘z lavozimini tark etgani ma’lum qilindi. Federatsiyaning yangi rahbari lavozimiga Adliya vaziri Ruslan Davletov nomzodi taklif etildi. Konferensiya ishtirokchilari nomzodni yoqlab ovoz berishi natijasida Adliya vaziri Basketbol federatsiyasiga prezident bo‘ldi.
“Bildirilgan ishonch uchun minnatdorchilik bildiraman. Ishonchni oqlayman. Birinchi vazifamiz, federatsiya tizimidagi ishni to‘g‘ri yo‘lga qo‘yib olishdir. Tashkilot tizimini qayta ko‘rib, kimning qanday imkoniyatlarga ega ekanligini o‘rganib chiqamiz. Basketbolni rivojlantirish uchun bizga malakali mutaxasisslar kerak bo‘ladi. Bu borada qo‘llab-quvvatlashingizga umid qilaman va kelajakda, albatta, yaxshi natijalarni qo‘lga kiritamiz”, – deydi Ruslan Davletov.
Yangi rahbar viloyatlarda ham basketbolni rivojlantirishga e’tibor qaratishini, terma jamoa uchun xorijdan malakali murabbiylar jalb qilinishini, bugungi kunda eng asosiy muammolardan biri bo‘lib turgan baza masalasi hal qilinishiga ham alohida urg‘u berib o‘tdi, deyiladi xabarda.
Izoh (0)