IShID terrorchilik tashkiloti va “Al-Qoida” tashkiloti o‘zaro birlashishi mumkin. Bu haqda Shanxay hamkorlik tashkilotining Mintaqaviy aksilterror tuzilmasi qo‘mitasi ijrochi direktori Yevgeniy Sisoyev Krasnoyarskda bo‘lib o‘tgan forumda ma’lum qildi, deb xabar berdi “RIA Novosti”.
“Mavjud xavflar orasida IShID hamda ‘Al-Qoida’ning yagona tarmoq sifatida birlashish ehtimolligi mavjud bo‘lib, bu orqali ular faol va yashirinib yotgan yacheykalari yordamida dunyoning ko‘plab mamlakatlarini egallab olishi mumkin”, — deydi Sisoyev.
Uning so‘zlariga ko‘ra, bunga qadar Yaqin Sharqda jang qilgan aksariyat jangarilar Afg‘onistonga to‘plangan. Ularning barchasi o‘z faoliyatini davom ettirishga qodir. Bugungi kunda IShID o‘zining guruhlarini Yevropa, Markaziy va Janubi-Sharqiy Osiyo, Rossiyaga tashlamoqda. Sisoyevning ta’kidlashicha, mazkur guruhlar yirik shaharlardagi nishonlarni ixtiyoriy tanlamoqda. Shuningdek, terrorchilarning tarafdorlari onlayn-mashg‘ulotlarni o‘tamoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)