AQSh davlat departamenti Suriya tomonidan Abxaziya va Janubiy Osetiyaning mustaqil mamlakat sifatida tan olinishiga o‘z munosabatini bildirdi, deb xabar beradi Euronews.
“Qo‘shma Shtatlar Suriya rejimining Rossiya tomonidan ishg‘ol qilgan hududlar — Abxaziya va Janubiy Osetiya bilan diplomatik munosabatlarni o‘rnatishini keskin qoralaydi. Ushbu hududlar Gruziya davlatining bir qismi hisoblanadi. Qo‘shma Shtatlarning Abxaziya va Janubiy Osetiyaga nisbatan pozitsiyasi o‘zgarishsiz qoladi”, — deyiladi bayonotda.
Eslatib o‘tamiz, Suriya 29-may kuni Abxaziya va Janubiy Osetiya bilan diplomatik munosabatlarni o‘rnatishga kelishib olgandi. Abxaziya va Janubiy Osetiya Suriyada o‘z elchixonalarini ochishni rejalashtirmoqda.
Bu kabi xatti-harakatlar fonida Gruziya Suriya bilan o‘zining diplomatik munosabatlarini uzishga qaror qilgan.
Suriyadan tashqari Abxaziya va Janubiy Osetiya mustaqilligini rasman yana to‘rtta davlat tan olgan: Venesuela, Nauru, Nikaragua va Rossiya.
Izoh (0)