AQSh prezidenti Donald Tramp Arlington qabristonidagi Noma’lum askar qabriga gulchambar qo‘ydi. Bu haqda Fox News’ga tayanib, “Gazeta.ru” xabar berdi.
Trampning ta’kidlashicha, hamon 2 ming nafardan ortiq amerikalik askar jang maydonlarida bedarak yo‘qolgan hisoblanadi. Donald Tramp Vashington amerikalik askarlar nima sababdan halok bo‘lganini aniqlashdan hech qachon to‘xtamasligiga va’da berdi.
“Biz uchun kurashgan insonlar oldida qarzdormiz. Ular mamlakatimiz ozodligi yo‘lida halok bo‘ldi”, — deydi AQSh prezidenti.
28-may kuni AQShda Urush faxriylari va qurbonlarini xotirlash kuni nishonlanadi. Oq uy rahbari ushbu kunni “abadiy tinchlik uchun ibodat qilish kuni” deya e’lon qildi.
Izoh (0)