Yildan yilga IELTS xalqaro test tizimi tobora mashhur bo‘lib bormoqda, chunki ushbu imtihonni muvaffaqiyatli topshirish ham ta’limda, ham kasbiy o‘sishda yangi imkoniyatlarni taqdim etishi mumkin.
Mazkur maqolada Britaniya Kengashining O‘zbekistondagi vakolatxonasi direktori Mark Krossi IELTS imtihonini topshirish borasida eng ko‘p uchraydigan savollarga javob beradi.
IELTS o‘zi nima?
- IELTS – bu ingliz tili bo‘yicha xalqaro testdir.
U nima uchun kerak?
—IELTS xalqaro sertifikati ingliz tili rasmiy til bo‘lgan mamlakatlardagi va, shuningdek, boshqa davlatlardagi ta’lim ingliz tilida olib boriladigan xalqaro oliy ta’lim muassasalariga o‘qishga kirish imkonini beradi. Shu bilan birga, Kanada, Avstraliya va Yangi Zellandiya kabi mamlakatlarga kasbiy immigratsiya yo‘nalishi bo‘yicha immigratsiya qilmoqchi bo‘lgan insonlar ushbu testni topshirishlari lozim bo‘ladi.
Imtihon qanday modullardan iborat?
—IELTS quyidagi ikki moduldan iborat:
- Academic (Akademik) IELTS ingliz tilida so‘zlashuvchi mamlakatlar (Buyuk Britaniya, Kanada, Avstraliya, Irlandiya, Yangi Zellandiya, JAR, AQSh va boshaqalar)dagi kollejlar va oliy o‘quv yurtlariga hamda boshqa mamlakatlarning ingliz tilida ta’lim beriladigan o‘quv yurtlariga o‘qishga kirish uchun qo‘llaniladi;
- General Training (Umumiy ) IELTS Kanada, Avstraliya va Yangi Zellandiya kabi mamlakatlarga kasbiy immigratsiya yo‘nalishi bo‘yicha immigratsiya qilmoqchi bo‘lgan insonlar uchun majburiy shartlardan biri hisoblanadi.
IELTS qanday baholanadi?
- Baholash to‘rtta til ko‘nikmalari asosida amalga oshiriladi: audio (tinglash), o‘qish, yozish va og‘zaki nutq. Mazkur ko‘nikmalarning har biri 1 dan 9 gacha bo‘lgan shkala asosida baholanadi va ular hosil qilgan umumiy ballar jamlanadi. Nomzod butun ball (masalan, 5.0; 7.0) yoki yarimlik ball (masalan, 5.5; 6.5; 7.5) olishi mumkin.
O‘zbekistonda IELTS imtihonini Toshkentdan boshqa yana qaysi shaharlarda topshirish mumkin?
—Ushbu imtihonga bo‘lgan qiziqishning tobora ortib borishini inobatga olgan holda hamda imtihon topshirish uchun qulayliklar yaratish maqsadida Andijon, Namangan, Farg‘ona, Samarqand va Urganch shaharlarida ham imtihon topshirish bo‘limlari ochilgan.
Imtihonga qachon ro‘yxatdan o‘tgan afzal?
—Mazkur testni topshirish uchun bo‘sh o‘rinlar mavjud bo‘lsagina istalgan vaqtda ro‘yxatdan o‘tish mumkin. O‘rinlar oldindan egallanmaydi va shuning uchun bizning onlayn tizimimizda oldindan ro‘yxatdan o‘tishingizni maslahat beramiz (tavsiyamiz: test kunidan besh-olti hafta oldin ro‘yxatdan o‘ting). Shuni yodingizda tutingki, muayyan test kuni uchun mavjud bo‘lgan barcha bo‘sh o‘rinlar to‘lgach, ushbu sana test kunlari saytdagi ro‘yxatimizda namoyon bo‘lmaydi.
Imtihon topshiruvchilarga qulaylikalar yaratish maqsadida Britaniya Kengashining IELTS testi uchun ro‘yxatdan o‘tishga ko‘maklashuvchi bir qator markazlar bilan hamko‘rlik o‘rnatildi. Jumladan, imtihon topshirish istagida bo‘lganlar Toshkentdagi RIKS EDUCATION, YOU MATTER LEARNING CENTRE hamda IELTS ZONE, Andijonda Andijan Development Centre, Farg‘onaning Opus Learning Centre, Namangandagi Learning Skills Lab, Samarqandda Innovative IELTS Centre va Urganchning WESTPRO Learning Centre o‘quv markazlarida mazkur imtihon uchun ro‘yxatdan o‘tishlari mumkin. Viloyatdagi markazlarda esa, IELTS imtihonlari ham o‘tkaziladi. Ushbu markazlarda ro‘yxatdan o‘tganlar qator qulayliklarga ega bo‘ladilar. Jumladan, ro‘yxatdan o‘tish jarayonida bepul yordam va umuman IELTS testi haqida maslahatlar olish, Britaniya Kengashi hamda markazlar tomonidan taqdim etilgan tayyorgarlik treninglari hamda imtihon natijalari qayd etilgan sertifikatni ro‘yxatdan o‘tgan markazdan olib ketish imkoniyatiga ega bo‘ladilar.
IELTS imtihonlari qanday oraliqlarda o‘tkaziladi?
—IELTS oyiga to‘rt marta ya’ni har hafta o‘tkaziladi. Aniq sanalarni bizning saytimizda quyidagi havola orqali ko‘rishingiz mumkin: https://www.britishcouncil.uz/exam/ielts/test-dates-fees-location
Imtihonning barcha qismlari bir kunda topshiriladimi?
- Testning yozma qismi, ya’ni tinglab tushunish, o‘qish va yozish qismlari bir kunda o‘tkaziladi. Og‘zaki sinov (imtihon oluvchi bilan individual suhbat) yozma qismdan bir hafta oldin yoki keyin o‘tkazilishi mumkin.
Imtihon kuni nimalarni olib kelish kerak?
- Imtihonga kelganingizda yoningizda siz ushbu test uchun ro‘yxatdan o‘tishda qo‘llagan pasportingiz bo‘lishi lozim. Shuni inobatga olish lozimki, pasport qandaydir sabablarga ko‘ra o‘zingizda bo‘lmasa, uning nusxasi yoki boshqa hujjat bilan imtihonga kirib bo‘lmaydi. Imtihonga kirish uchun faqatgina pasport hujjat sifadida qabul qilinadi. Shuningdek, qora qalamlar, o‘chirg‘ich va gazlanmagan ichimlik suvi ham olib kelishingiz mumkin.
Ruchka yoki qog‘oz olib kelish mumkinmi?
—Imtihon xonasiga ruchka yoki qog‘oz olib kirishga ruxsat berilmaydi. Bundan tashqari, yoningizda metall buyumlar, elektron ashyolar, telefon, smartfon, planshet, soat, ozuqa yoki gazlangan suvlar bo‘lmasligi lozim. Siz faqat qora qalam, o‘chirg‘ich va gazlanmagan ichimlik suvi olib kelishingiz mumkin.
Agar imtihon kunida imtihon topshiruvchi sog‘lig‘ining yomonlashgan sababli kela olmasa, unga to‘lagan puli qaytarib beriladimi?
—Kasallik tufayli imtihonga kelmaslik holatida, imtihondan keyingi besh ish kuni ichida kasallikni tasdiqlovchi ma’lumotnoma (spravka) taqdim etilishi va pulni qaytarish yoki imtihonni yangi sanaga ko‘chirishni talab etish uchun ariza shakli (forma) to‘ldirilishi lozim bo‘ladi. Barcha taqdim etilgan hujjatlar imtihonlar bo‘limi tomonidan ko‘rib chiqiladi va qabul qilingan qaror yozma ravishda elektron pochta orqali ma’lum qilinadi. Bunda faqat jiddiy kasallanish holatlari ko‘rib chiqiladi. Agar yuqorida tilga olingan hujjatlar imtihondan keyingi besh ish kuni ichida taqdim etilmasa, to‘langan pul qaytarib berilmaydi.
Imtihon natijalarini qachon va qanday qilib olish mumkin?
—IELTS natijalari imtihon kalendari bo‘yicha imtihon kunidan keyingi 13 kunda soat 12:00 dan keyin e’lon qilinadi. Barcha sertifikatlar imtihonga ro‘yxatdan o‘tishda yoki imtihon kunida ko‘rsatilgan manzilga buyurtma xat orqali yuboriladi. Shu sababli imtihon topshiruvchilar o‘z manzillari va pochta indekslarini aniq ko‘rsatgan holda taqdim etishlari lozim.
IELTS topshirish tartiblarida qandaydir o‘zgarishlar bo‘lganmi?
—IELTS topshirish tartiblariga hech qanday o‘zgarishlar kiritilmagan.
Xalqaro sertifikat qancha yaroqlilik muddatiga ega?
—IELTS sertifikati imtihon topshirilgan sanadan boshlab ikki yil davomida yaroqlilik muddatiga ega.
Imtihonga qanday tayyorgarlik ko‘rgan maqul?
Imtihonga tayyorlanishda o‘qituvchi bilan yoki o‘zingiz mustaqil ravishda ham tayyorlanishingiz mumkin. Agar tayyorgarlikni mustaqil ravishda amalga oshirmoqchi bo‘lsangiz, Britaniya Kengashi saytida buning uchun ko‘plab yordam beruvchi resusrlari mavjud. Jumladan, IELTS Prep App, IELTS WORD POWER, IELTS 1001 ways mobil ilovalari imtihonga tayyorlanish uchun maxsus sharoitsiz ham tayyorlanish imkoniyatini beradi. Masalan, jamoat transportida yoki o‘qishdagi tanaffus paytlarida ilova yordamida listening (tinglab tushunish) va speaking (og‘zaki nutq), so‘z boyligini va talaffuzni rivojlantirish mumkin. Ilovalarni App Store va Play Marketdan topsangiz bo‘ladi. Shuningdek, imtihondan ro‘yxatdan o‘tgan zahotingiz, sizga Road to IELTS 30 soatlik bepul tayyorlanish uchun onlayn kurs taqdim etiladi. Shaxsiy maslahatim, tayyorgarlik paytida o‘zingizga maksimal darajada ingliz tili muhitini yarating. Bunda sizga ingliz tilidagi filmlar, qo‘shiqlar, ilmiy-ommabop maqolalar yordam beradi va albatta har kuni so‘z boyligingizni kengaytirishga harakat qiling. Sizga yordam tariqasida bizning Facebook va Instagram’dagi ijtomoiy tarmoqlarimizda qiziqarli va sifatli ma’lumotlar, o‘yinlar, videolar va maqolalar qo‘yib boramiz.
Ushbu mashaqqatli va maroqli yo‘lda IELTS topshirishga bel bog‘laganlar uchun omad va o‘z maqsadlaringizga erishishingizni tilayman! Britaniya Kengashi sizlaring savollaringizga telefon, email va ijtimoiy tarmoqlar orqali javob berishga tayyor. Sizga yordam bera olishimizdan xursand bo‘lamiz.
Ma’lumot uchun:
Telefon: +998(71) 205-06-60
Elekton manzil: info@britishcouncil.uz
Reklama huquqi asosida!
Izoh (0)