Йилдан йилга IELTS халқаро тест тизими тобора машҳур бўлиб бормоқда, чунки ушбу имтиҳонни муваффақиятли топшириш ҳам таълимда, ҳам касбий ўсишда янги имкониятларни тақдим этиши мумкин.
Мазкур мақолада Британия Кенгашининг Ўзбекистондаги ваколатхонаси директори Марк Кросси IELTS имтиҳонини топшириш борасида энг кўп учрайдиган саволларга жавоб беради.
IELTS ўзи нима?
- IELTS – бу инглиз тили бўйича халқаро тестдир.
У нима учун керак?
—IELTS халқаро сертификати инглиз тили расмий тил бўлган мамлакатлардаги ва, шунингдек, бошқа давлатлардаги таълим инглиз тилида олиб бориладиган халқаро олий таълим муассасаларига ўқишга кириш имконини беради. Шу билан бирга, Канада, Австралия ва Янги Зелландия каби мамлакатларга касбий иммиграция йўналиши бўйича иммиграция қилмоқчи бўлган инсонлар ушбу тестни топширишлари лозим бўлади.
Имтиҳон қандай модуллардан иборат?
—IELTS қуйидаги икки модулдан иборат:
- Academic (Академик) IELTS инглиз тилида сўзлашувчи мамлакатлар (Буюк Британия, Канада, Австралия, Ирландия, Янги Зелландия, ЖАР, АҚШ ва бошақалар)даги коллежлар ва олий ўқув юртларига ҳамда бошқа мамлакатларнинг инглиз тилида таълим бериладиган ўқув юртларига ўқишга кириш учун қўлланилади;
- Генерал Траининг (Умумий ) IELTS Канада, Австралия ва Янги Зелландия каби мамлакатларга касбий иммиграция йўналиши бўйича иммиграция қилмоқчи бўлган инсонлар учун мажбурий шартлардан бири ҳисобланади.
IELTS қандай баҳоланади?
- Баҳолаш тўртта тил кўникмалари асосида амалга оширилади: аудио (тинглаш), ўқиш, ёзиш ва оғзаки нутқ. Мазкур кўникмаларнинг ҳар бири 1 дан 9 гача бўлган шкала асосида баҳоланади ва улар ҳосил қилган умумий баллар жамланади. Номзод бутун балл (масалан, 5.0; 7.0) ёки яримлик балл (масалан, 5.5; 6.5; 7.5) олиши мумкин.
Ўзбекистонда IELTS имтиҳонини Тошкентдан бошқа яна қайси шаҳарларда топшириш мумкин?
—Ушбу имтиҳонга бўлган қизиқишнинг тобора ортиб боришини инобатга олган ҳолда ҳамда имтиҳон топшириш учун қулайликлар яратиш мақсадида Андижон, Наманган, Фарғона, Самарқанд ва Урганч шаҳарларида ҳам имтиҳон топшириш бўлимлари очилган.
Имтиҳонга қачон рўйхатдан ўтган афзал?
—Мазкур тестни топшириш учун бўш ўринлар мавжуд бўлсагина исталган вақтда рўйхатдан ўтиш мумкин. Ўринлар олдиндан эгалланмайди ва шунинг учун бизнинг онлайн тизимимизда олдиндан рўйхатдан ўтишингизни маслаҳат берамиз (тавсиямиз: тест кунидан беш-олти ҳафта олдин рўйхатдан ўтинг). Шуни ёдингизда тутингки, муайян тест куни учун мавжуд бўлган барча бўш ўринлар тўлгач, ушбу сана тест кунлари сайтдаги рўйхатимизда намоён бўлмайди.
Имтиҳон топширувчиларга қулайликалар яратиш мақсадида Британия Кенгашининг IELTS тести учун рўйхатдан ўтишга кўмаклашувчи бир қатор марказлар билан ҳамкўрлик ўрнатилди. Жумладан, имтиҳон топшириш истагида бўлганлар Тошкентдаги RIKS EDUCATION, YOU MATTER LEARNING CENTRE ҳамда IELTS ZONE, Андижонда Andijan Development Centre, Фарғонанинг Opus Learning Centre, Намангандаги Learning Skills Lab, Самарқандда Innovative IELTS Centre ва Урганчнинг WESTPRO Learning Centre ўқув марказларида мазкур имтиҳон учун рўйхатдан ўтишлари мумкин. Вилоятдаги марказларда эса, IELTS имтиҳонлари ҳам ўтказилади. Ушбу марказларда рўйхатдан ўтганлар қатор қулайликларга эга бўладилар. Жумладан, рўйхатдан ўтиш жараёнида бепул ёрдам ва умуман IELTS тести ҳақида маслаҳатлар олиш, Британия Кенгаши ҳамда марказлар томонидан тақдим этилган тайёргарлик тренинглари ҳамда имтиҳон натижалари қайд этилган сертификатни рўйхатдан ўтган марказдан олиб кетиш имкониятига эга бўладилар.
IELTS имтиҳонлари қандай оралиқларда ўтказилади?
—IELTS ойига тўрт марта яъни ҳар ҳафта ўтказилади. Аниқ саналарни бизнинг сайтимизда қуйидаги ҳавола орқали кўришингиз мумкин: https://www.britishcouncil.uz/exam/ielts/test-dates-fees-location
Имтиҳоннинг барча қисмлари бир кунда топшириладими?
- Тестнинг ёзма қисми, яъни тинглаб тушуниш, ўқиш ва ёзиш қисмлари бир кунда ўтказилади. Оғзаки синов (имтиҳон олувчи билан индивидуал суҳбат) ёзма қисмдан бир ҳафта олдин ёки кейин ўтказилиши мумкин.
Имтиҳон куни нималарни олиб келиш керак?
- Имтиҳонга келганингизда ёнингизда сиз ушбу тест учун рўйхатдан ўтишда қўллаган паспортингиз бўлиши лозим. Шуни инобатга олиш лозимки, паспорт қандайдир сабабларга кўра ўзингизда бўлмаса, унинг нусхаси ёки бошқа ҳужжат билан имтиҳонга кириб бўлмайди. Имтиҳонга кириш учун фақатгина паспорт ҳужжат сифадида қабул қилинади. Шунингдек, қора қаламлар, ўчирғич ва газланмаган ичимлик суви ҳам олиб келишингиз мумкин.
Ручка ёки қоғоз олиб келиш мумкинми?
—Имтиҳон хонасига ручка ёки қоғоз олиб киришга рухсат берилмайди. Бундан ташқари, ёнингизда металл буюмлар, электрон ашёлар, телефон, смартфон, планшет, соат, озуқа ёки газланган сувлар бўлмаслиги лозим. Сиз фақат қора қалам, ўчирғич ва газланмаган ичимлик суви олиб келишингиз мумкин.
Агар имтиҳон кунида имтиҳон топширувчи соғлиғининг ёмонлашган сабабли кела олмаса, унга тўлаган пули қайтариб бериладими?
—Касаллик туфайли имтиҳонга келмаслик ҳолатида, имтиҳондан кейинги беш иш куни ичида касалликни тасдиқловчи маълумотнома (справка) тақдим этилиши ва пулни қайтариш ёки имтиҳонни янги санага кўчиришни талаб этиш учун ариза шакли (форма) тўлдирилиши лозим бўлади. Барча тақдим этилган ҳужжатлар имтиҳонлар бўлими томонидан кўриб чиқилади ва қабул қилинган қарор ёзма равишда электрон почта орқали маълум қилинади. Бунда фақат жиддий касалланиш ҳолатлари кўриб чиқилади. Агар юқорида тилга олинган ҳужжатлар имтиҳондан кейинги беш иш куни ичида тақдим этилмаса, тўланган пул қайтариб берилмайди.
Имтиҳон натижаларини қачон ва қандай қилиб олиш мумкин?
—IELTS натижалари имтиҳон календари бўйича имтиҳон кунидан кейинги 13 кунда соат 12:00 дан кейин эълон қилинади. Барча сертификатлар имтиҳонга рўйхатдан ўтишда ёки имтиҳон кунида кўрсатилган манзилга буюртма хат орқали юборилади. Шу сабабли имтиҳон топширувчилар ўз манзиллари ва почта индексларини аниқ кўрсатган ҳолда тақдим этишлари лозим.
IELTS топшириш тартибларида қандайдир ўзгаришлар бўлганми?
—IELTS топшириш тартибларига ҳеч қандай ўзгаришлар киритилмаган.
Халқаро сертификат қанча яроқлилик муддатига эга?
—IELTS сертификати имтиҳон топширилган санадан бошлаб икки йил давомида яроқлилик муддатига эга.
Имтиҳонга қандай тайёргарлик кўрган мақул?
Имтиҳонга тайёрланишда ўқитувчи билан ёки ўзингиз мустақил равишда ҳам тайёрланишингиз мумкин. Агар тайёргарликни мустақил равишда амалга оширмоқчи бўлсангиз, Британия Кенгаши сайтида бунинг учун кўплаб ёрдам берувчи ресусрлари мавжуд. Жумладан, IELTS Prep App, IELTS WORD POWER, IELTS 1001 ways мобил иловалари имтиҳонга тайёрланиш учун махсус шароитсиз ҳам тайёрланиш имкониятини беради. Масалан, жамоат транспортида ёки ўқишдаги танаффус пайтларида илова ёрдамида listening (тинглаб тушуниш) ва speaking (oғзаки нутқ), сўз бойлигини ва талаффузни ривожлантириш мумкин. Иловаларни App Store ва Play Маркетдан топсангиз бўлади. Шунингдек, имтиҳондан рўйхатдан ўтган заҳотингиз, сизга Road to IELTS 30 соатлик бепул тайёрланиш учун онлайн курс тақдим этилади. Шахсий маслаҳатим, тайёргарлик пайтида ўзингизга максимал даражада инглиз тили муҳитини яратинг. Бунда сизга инглиз тилидаги фильмлар, қўшиқлар, илмий-оммабоп мақолалар ёрдам беради ва албатта ҳар куни сўз бойлигингизни кенгайтиришга ҳаракат қилинг. Сизга ёрдам тариқасида бизнинг Facebook ва Instagram’даги ижтомоий тармоқларимизда қизиқарли ва сифатли маълумотлар, ўйинлар, видеолар ва мақолалар қўйиб борамиз.
Ушбу машаққатли ва мароқли йўлда IELTS топширишга бел бoғлаганлар учун омад ва ўз мақсадларингизга эришишингизни тилайман! Британия Кенгаши сизларинг саволларингизга телефон, email ва ижтимоий тармоқлар орқали жавоб беришга тайёр. Сизга ёрдам бера олишимиздан хурсанд бўламиз.
Маълумот учун:
Телефон: +998(71) 205-06-60
Электон манзил: info@britishcouncil.uz
Реклама ҳуқуқи асосида!
Изоҳ (0)