“O‘zbektelekom” O‘zbekistonda Skype, Viber, WhatsApp messenjerlarining ishidagi muammolarni bartaraf etdi. Bu haqda O‘zbekistonda AKTni rivojlantirish bag‘ishlangan #MITCROADMAP2018 anjumanida kompaniya bosh direktori Farhod Ro‘ziyev ma’lum qildi, deb xabar beradi Spot.
Uning so‘zlariga qaraganda, kompaniya muhandislari bir necha kun ushbu muammoni hal etish ustida ish olib borgan.
“Biz eng og‘riqli muammolarni hal qilishdan boshlayapmiz. Bir necha kun mobaynida muhandislarimiz Skype, Viber, WhatsApp va boshqa dasturlarga bog‘liq muammolarni bartaraf qilishdi. Endilikda ularning barchasi ishlamoqda — foydalanishingiz mumkin, do‘stlar”, — deydi “O‘zbektelekom” rahbari.
Uning so‘zlariga ko‘ra, kompaniya keng ko‘lamli o‘zgarishni boshlagan va 2020-yilga borib o‘zi uchun uchta maqsadga erishishni niyat qilgan:
- O‘zbekistonda 1-raqamli operatorga aylanish;
- Mamlakatda eng yaxshi ish beruvchi top-10 talik ro‘yxatga kirish;
- Respublikada eng oldi davlat kompaniyasiga aylanish.
Izoh (0)