Turkiya prezidenti Toyib Erdo‘g‘on BMTni jahondagi muammolarni hal etishga qodir emaslikda aybladi. Bu bayonot G‘azo sektoridagi to‘qnashuvlardan so‘ng tashkilot tomonidan harakatsizlikka yo‘l qo‘yilgani tufayli jarang topdi, deb xabar beradi Sputnik.
Erdo‘g‘onning so‘zlariga ko‘ra, tashkilot o‘z vazifasini o‘tab bo‘lgan va qudratini yo‘qotgan. Turkiya prezidenti fikricha, xalqaro hamjamiyat huquq va erkinliklari oyoq osti qilingan falastinliklar oldida ikki yoqlama standartlardan foydalanmoqda.
“Agar ushbu hujumlar boshqa bir hududda yuz berganida edi, u holda butun dunyoda noroziliklarni keltirib chiqargan bo‘lardi. Ammo, afsuski, dunyo hamjamiyati Isroilning falastinliklarga qarshi harakatlariga bepisandlik bilan munosabatda bo‘ldi”, — deb bayonot qildi Erdo‘g‘on kechki payt Ro‘za iftorligida, deb yozadi RIA Novosti.
Turkiya prezidenti so‘zlariga ko‘ra, Falastinning tinch aholisiga nisbatan Isroil hukumati harakatlari to‘xtashi uchun dunyo hamjamiyati bor harakatini ishga solmog‘i lozim.
“Agar Isroil zulmiga javob qaytarilmasa, dunyoda tez orada kallakesarlar hukmronlik qilayotgan xaos yuzaga keladi”, — dedi turk rahbari.
Ilgariroq Erdo‘g‘on AQShni Isroilga sherikchilik qilayotganda ayblagan edi. Uning fikricha, Vashington o‘z elchixonasini Quddusga ko‘chirish qarori bilan Tel-Avivga erk bergan.
Izoh (0)